انصار:( د تله ۲۲مه) د فلسطین په پلوۍ او د اسراییلو د وروستیو بریدونو خلاف په کابل کې د پروني لاریون پر مهال د طالبانو یوه مخکیني مقام او مشهور مطبوعاتي مبلغ یې نظرمحمد مطمئن له عربي هېوادونو وغوښتل، چې غیر عربو یا عجمو ته دې د خپلو هېوادونو پر خاوره لاره ورکړي، چې د فلسطین د ګټلو لپاره سیمې ته ځانونه ورسوي.
هغه په مشخص دول د طالبانو یادونه ونه کړه، خو له کابل او طالب ادرسه خبرې یې ځینو شنونکو په همدغه مانا تعبیر کړي دي.
طالبانو مخکې د فلسطین په ملاتړ میدان ته تلل رد کړي او ویلي وو، چې د اسراییلو بریدونه غندي.
په غزه کې له نږدې یوې اوونۍ راهیسې پر اسراییلو د فلسطین د حماس ډلې له بریدونو وروسته اسراییلو پر دغې سیمې پراخ بریدونه پيل کړي، چې د درنې مرګ ژوبلې خبرونه یې ورکړل شوي دي.
URL تعقيب: https://www.ansarpress.com/pashto/27724
قرأ
